Lokadagur á leikskólanum
Tómas fór í leikskólann í síðasta sinn í gær, þetta var þó ekki formleg útskrift enda munu sumir félaga hans halda áfram í leikskólanum og fara í “Kindergarten” (ísl. 5 ára bekk) sem leikskólinn býður upp á.
Þar sem Bexleybær bíður nú í haust upp á heilsdags 5 ára bekk í fyrsta sinn, þá ákváðum við að það væri í alla staði hentugra fyrir okkur, að flytja hann í Cassingham Elementary þannig að hann yrði í skólanum með stóru systur. Við það bætist að ég (Elli) verð heima við stóran hluta sumars og því fannst okkur rétt að taka hann úr leikskólanum núna í maí og spara með því leikskólagjöld sumarsins.
Hvað um það, lokadagurinn var í gær og þegar við komum heim fékk Tómas “Spiderman”-hjól í útskriftargjöf. Við tókum nokkrar myndir af gleðinni.
30. maí 2010 kl. 12:49
Elsku Tómas,
innilega til hamingju með útskriftina
og með hjólið.
Guð blessi þig
Kveðja
Alfa amma
3. júní 2010 kl. 16:16
Til hamingju Tómas. Bæði þú og pabbi að útskrifast. Núna þarf afi að vita hvar þú ferð næst í skóla ef ég þarf að keyra þig í skólann einhverntímann. Rosalega er þetta flott hjól sem þú fékkst og þú klárar þá að læra að hjóla og ég og Baldur hlökkum til að bjóða þér í hjólatúr næst þegar þú kemur til Íslands. Hjólið sem þú varst að æfa þig á bíður eftir þér inni í bílskúr.