Sendur heim úr 6 ára bekk

Anna Laufey átti 7 ára afmæli í gær. Við héldum reyndar upp á afmælið saman með því að fara í dýragarðinn á sunnudag. Í gærmorgun fórum við Anna svo í skólann með „cupcakes“ handa bekknum og kennurunum hennar Önnu. Ég og Tómas vorum að koma okkur fyrir á bak við Önnu þegar hún sneri sér við og sagði að ég skyldi bara fara heim. Hún gæti verið alein í skólanum, þrátt fyrir að kunna ekki ensku.
Aðlögunin við Cassingham Elementary tók þannig mun skemmri tíma en ég átti von á. Mikilvægur þáttur í því hversu vel hefur gengið er að Kirtley-fjölskyldan, foreldrar Addie í bekknum hennar Önnu, buðu okkur í mat á laugardagskvöldið og Anna og Addie léku sér saman í næstum 4 tíma án nokkurra vandræða. Þessi yndislega heimsókn hjálpaði þannig Önnu til að öðlast það öryggi sem þurfti til að vera ein í skólanum.