Dónaskapur

Þar sem Jenný er komin með kennitölu ákváðum við í síðustu viku að færa símana okkar í áskrift enda er mjög dýrt að vera með frelsisáskriftina sem við höfum hjá Cingular.
Ég fór því á sunnudagskvöld á vefsíðu Cingular og pantaði nýja áskrift og fékk kvittun um hæl, þar sem var sagt að ég ætti von á nýjum símum og korti eftir 1-2 daga.
Í dag fékk ég síðan auglýsingabréf frá Cingular þar sem stóð: „Þú getur fengið frelsisáskrift“. Ekkert í bréfinu benti til að það væri viðbrögð við pöntun okkar sem við höfðum ekki fengið afgreidda, en þar sem ég er varkár maður, ákvað ég að athuga málið. Ég hringdi í Cingular og fékk maskínu sem eftir nokkurt strögl sem tilkynnti vélrænni röddu: Your order has been cancelled. Ég beið að sjálfsögðu eftir skýringu, en þá kom röddin aftur og sagði það sama. Ég lagði því á og hringdi aftur í fyrirtækið og núna tókst mér að komast í tengsl við manneskju sem sagði mér að vegna lélegrar fjármálasögu Jennýjar hér í BNA, gætum við ekki fengið áskrift nema gegn $1000 tryggingargreiðslu. Ég nennti ekki að tala við hana frekar og sagði að ég gerði ekki ráð fyrir frekari viðskiptum við fyrirtækið. Cingular er stærsta farsímafyrirtækið í BNA og stærðin er slík að ef þeir ráða ekki við að tilkynna ef þeir ákveða að afgreiða ekki pöntun á þjónustu. Ég er hundfúll og vonandi að einhverjir aðrir sjái hag sín í viðskiptum við okkur hjónin.