Category: 01 Fjölskyldan öll

Stofnun Leifs Eiríkssonar styrkir fólk til háskólanáms í Bandaríkjunum. Slóðin er hér: The Leifur Eiriksson Foundation

869

Fjölskyldan fór í Smáralind í dag og á meðan Anna og Jenný fóru í Exit og Adam sátum við feðgar og slökuðum á.
Ég ákvað að taka nokkrar myndir á fína nýja símann minn og sjá hvernig það kæmi út.

Tómas Ingi var skírður í almennri guðsþjónustu í dag í Grensáskirkju að viðstöddum fjölda manns. Þá var og Arnór Gauti skírður við sömu athöfn. Það var sr. Ólafur Jóhannsson sem annaðist skírnina, en þeir Guðmundur Tómas eldri og Brynjar Bragason voru skírnarvottar, en Brynjar hélt Tómasi jafnframt undir skírn.
Að lokinni guðsþjónustunni buðum við vinum og ættingjum til samsætis í safnaðarheimili Grensáskirkju og áttum þar góðar stundir. Vinir og ættingjar stóðu sig þó vart sem skyldi í áti, enda er mikið magn af tertum, brauði og kökum á heimili okkar þessa stundina.

765

Í dag kom Tómas Andri í heimsókn með fjölskyldunni sinni, Bryndísi, Gísla Geir og Kristrúnu Lilju. Þeir nafnar Tómas Ingi og Tómas Andri náðu strax vel saman og þrátt fyrir að sá síðarnefndi hefði kippt sokknum af T. Inga, kom það ekki að sök. Hægt er að sjá myndir frá heimsókninni með því að smella á myndina sem fylgir færslunni.

485

Í morgun gekk ég frá kaupum á flugmiðum fyrir alla fjölskylduna til Columbus Ohio. Við munum fljúga kl. 16:55, þann 26. desember, stöldrum við í Baltimore í þrjár klukkustundir og tuttugu mínútur áður en við fljúgum til Columbus. Þar er áætluð lending kl. 22:55. Þannig mun ferðalagið ekki taka nema um 6 klst :-).

Jafnframt gekk ég frá flugmiðum frá Baltimore til Íslands 28. júní 2006 og er Íslandskoma áætluð að morgni þess 29. Hvernig við hins vegar komumst frá Columbus til Baltimore er ófrágengið.

Nú strax eru nokkrar breytingar í gangi á vefsíðunni hrafnar.net. M.a. er búið að uppfæra myndakerfið og er nú notast við Gallery2 í stað Gallery1 áður. Þetta merkir að fyrst í stað eru einhverjir linkar í eldri færslum ónothæfir. Unnið er að lagfæringum.

Það hefur verið mikið að gera hjá okkur þessa helgina. Anna Laufey fór í afmæli til Karenar Sifjar vinkonu sinnar á föstudaginn og skemmti sér konunglega. Í gær fór fjölskyldan í bíltúr og fjárfesti meðal annars í forláta leikteppi handa Tómasi Inga. Teppið er litríkt með alskyns furðudýrum og hringlum. Það spilar líka Mozart og dýrahljóð þegar sparkað er á réttan stað. Halda áfram að lesa: Kaffihúsaferð og heimsókn á Haðarstiginn

Við fjölskyldan fórum fyrir nokkrum dögum í bíltúr í Reykjavík. Við stöldruðum stutt við á Seltjarnarnesi og gengum niður í fjöru. Ég tók nokkrar myndir á símann hennar Jennýjar. Þær má sjá í myndasafninu.

57

Fyrstu dagana hans litla kúts var hann helst til gulur. Af þeim sökum var ákveðið að gefa honum ábót með brjóstagjöf á þriggja tíma fresti í tæpa tvo sólarhringa. Fyrst í stað var notast við sprautu, en fljótlega kom í ljós að honum líkaði mun betur við að nota Bolungarvíkurstaupin okkar.

Guðrún og Þórir tóku nokkrar myndir á Hrísateigi í kvöld. Hægt er að skoða þær á: hrafnar.net/Heimsókn á Hrísateig

Nú erum við í heimsókn á Hrísateigi og Halldórsson hittir stórfjölskylduna í fyrsta skipti í dag. Það eru að venju nokkur læti enda, Guðmundur Tómas yngri og Anna Laufey að leika sér saman.

355

Litli kútur fór í sína fyrstu heimsókn í dag, þegar hann heimsótti afa og ömmu í Eyktarhæð. Ástæða heimsóknarinnar var m.a. sú að Rúna langamma og Jónatan langafi voru í heimsókn í Eyktarhæðinni. Það þótti því ástæða til að leyfa þeim að sjá kútinn. Litli kútur undi sér vel í fanginu á afa, ömmu og langömmu og lét lítið á sér bera.

Í dag, 30. september, var baðdagur hjá litla kút. Hægt er að sjá nokkrar myndir á Baðdagur.