Norwalk, CT – South Brunswick, NJ
Við vorum ekkert að flýta okkur af hótelinu í morgun, enda þreytt eftir alla keyrsluna í gær. Elli kláraði að þvo og við nutum þess að borða góðan morgunmat í notalegum sal. Við rétt náðum að komast út fyrir tilskildan brottfarartíma, 12 á hádegi. Það var hellirigning en þó rúmlega 20 gráður. Halda áfram að lesa: New York borg í rigningu (10. dagur)
Hyannis, MA – Norwalk CT
Við settum met í brottfararhraða í morgun, vorum komin af stað frá mótelinu á Þorskahöfða kl. 9:45. Það leit út fyrir að það yrði rigning en það rættist úr og varð reyndar mjög heitt þegar leið á daginn. Við keyrðum burt af höfðanum og aðeins til baka í norður til Plymouth bæjar. Halda áfram að lesa: Pílagrímar og kjarnorkukafbátur (dagur 9)
Hyannis, Ma (Cape Cod)
Við erum enn stödd í Hyannis en í dag var stefnan sett á Provincetown sem er nyrst á Þorskhöfða hér í BNA. Eftir morgunmat héldum við sem leið lá út á veg 6A sem liggur samsíða aðalvegi 6 upp eftir höfðanum. Halda áfram að lesa: Heimsókn á heilsugæslu (dagur 8)
Hyannis, Ma (Cape Cod)
Dagurinn hófst með fábrotnum morgunverði hér á hótelinu og síðan fór Jenný að þvo þvott meðan við hin settumst og horfðum á Portúgal-Mexíkó í sjónvarpinu, áhuginn á leiknum reyndar mismikill. Halda áfram að lesa: Leikið við öldurnar (dagur 7)
Boston, Ma – Hyannis, Ma
Í dag var brottfarardagur af Radisson hótelinu hér í Boston. Við byrjuðum með morgunmat á hótelinu, ég og Anna komum töskunum út í bíl og síðan var haldið með neðanjarðarlest á vit ævintýranna. Halda áfram að lesa: Skiptum liði á sjötta degi
Boston, Ma
Í dag var farið í skoðunarferð um Boston með Old Town Trolley. Við hófum ferðina framan við hótelið eftir að hafa fengið frábæran morgunverð hér á Radisson. Fyrsta stopp reyndist vera Krakkasafnið við Tehöfnina og við hoppuðum af. Þar sáum við leiksýningu um Arthur sem hugðist byggja sér trjákofa og skoðuðum c.a. einn þriðja eða jafnvel bara einn fjórða af safninu á þeim tveimur klukkustundum sem við vorum þar inni. Halda áfram að lesa: Krakkasafnið (dagur fimm)
Lee, MA – Boston, MA
Í dag lá leið okkar fremur beint. Stefnan var sett á Boston með viðkomu í Springfield hér í Massachusetts, en þar er minningargarður um Dr. Seuss og verk hans. Halda áfram að lesa: Dagur Dr. Seuss
Það var lítið um hátíðarhöld hér í BNA í tilefni 195 afmælisdags Jóns Sigurðssonar. Við fjölskyldan héldum áfram ferðalagi okkar um norðausturhluta landsins. Halda áfram að lesa: Afmæli Jóns Sig
Niagara Falls, Ontario, Canada – Seneca Falls, New York, USA
Niagara Falls er mikill túrista staður. Hótel á hótel ofan, veitingastaðir, búðir, skemmtigarðar, draugahús o.s.frv. Hér er hægt að finna sér eitthvað dundurs í langan tíma, en einn dagur nægir þó til að skoða fossana. Við byrjuðum daginn á fínum morgunverði hjá Tim Hortons. Anna Laufey og Elli skelltu sér síðan í sundlaugina á hótelinu en við Tómas Ingi settumst inn á Starbucks. Því næst fórum í siglinu upp að fossunum með Maid of the Myst. Halda áfram að lesa: Annar dagur (16. júní)
Bexley, Ohio, USA – Niagara Falls, Ontario, Canada
Já þá er ferðalagið mikla hafið. Við lögðum af stað frá Bexley kl 10:30 í morgun. Fyrir lá að keyra um 370 mílur (um 590 km) til Niagara Falls. Fyrsta stop var í Mansfield Ohio. Anna Laufey valdi veitingastaðinn: Burger King. Við ákváðum að sneiða framhjá Cleveland í þetta sinn en fannst þó nauðsynlegt að kíkja aðeins á Lake Erie enda þá kominn tími til að rétta úr sér. Eftir snilldar leiðsögn Ella keyrðum við í gegnum bæinn Geneva og inn í Geneva State Park og fundum litla sæta strönd. Halda áfram að lesa: Ferðadagbók – Fyrsti dagur (15. júní)
1999Önnu Laufeyju hefur lengi langað til að eiga prinsessu herbergi. Þegar við fluttum í Stóragerðið á sínum tíma skreyttum við herbergið hennar með Bangsimon borða, en það var nú frekar eftir óskum móðurinnar en hennar sjálfrar. Ekki leið á löngu þar til Anna Laufey lýsti því yfir að hún vildi Barbie herbergi eða Prinsessu herbergi. Og eftir að við komum til Ameríku hafa Disney prinsessurnar verið í miklu uppáhaldi. Halda áfram að lesa: Disney-væðing barnaherbergjanna
Ég dreif mig loks í að taka bílprófið, mitt í ferðaundirbúningi fjölskyldunnar. Ég fékk 100% skor á skriflega prófinu og engar athugasemdir í verklega prófinu! Og nú er ég stoltur eigandi Ohio ökuskírteinis.
Fjölskyldan fór af stað í dag til að kaupa árskort í SixFlags skemmtigarðana, en við gerum ráð fyrir að heimsækja nokkra slíka á ferðalaginu um norð-austurhluta BNA. Halda áfram að lesa: Vatnaskemmtigarður
Ég og Anna Laufey hjóluðum sem leið lá eftir Broad Street og á Vísindasafnið hér í Columbus (COSI). Við ætluðum upphaflega að fara í Franklin Conservatory og skoða fiðrildasýningu sem Anna hafði farið á með skólanum, en þar er lokað á mánudögum.
Þar sem við sáum glitta í húsin í miðbænum, ákvað ég að bjóða upp á hjólatúr á vísindasafnið til að skoða nýju STAR WARS sýninguna sem var opnuð 3. júní. Halda áfram að lesa: Hjólað á Vísindasafnið
Nú styttist í ferðalag hjá okkur. En við hyggjumst leggja af stað sem leið liggur til Buffalo, NY á fimmtudaginn. Þar munum við fara yfir landamærin til Kanada, skoða Niagara fossana og gista eina nótt á Brock Plaza Hotel, rétt við fossana. Halda áfram að lesa: Styttist í ferðalag