Hrafnar.net

Við fjölskyldan fórum fyrir nokkrum dögum í bíltúr í Reykjavík. Við stöldruðum stutt við á Seltjarnarnesi og gengum niður í fjöru. Ég tók nokkrar myndir á símann hennar Jennýjar. Þær má sjá í myndasafninu.

57

Fyrstu dagana hans litla kúts var hann helst til gulur. Af þeim sökum var ákveðið að gefa honum ábót með brjóstagjöf á þriggja tíma fresti í tæpa tvo sólarhringa. Fyrst í stað var notast við sprautu, en fljótlega kom í ljós að honum líkaði mun betur við að nota Bolungarvíkurstaupin okkar.

Guðrún og Þórir tóku nokkrar myndir á Hrísateigi í kvöld. Hægt er að skoða þær á: hrafnar.net/Heimsókn á Hrísateig

Nú erum við í heimsókn á Hrísateigi og Halldórsson hittir stórfjölskylduna í fyrsta skipti í dag. Það eru að venju nokkur læti enda, Guðmundur Tómas yngri og Anna Laufey að leika sér saman.

355

Litli kútur fór í sína fyrstu heimsókn í dag, þegar hann heimsótti afa og ömmu í Eyktarhæð. Ástæða heimsóknarinnar var m.a. sú að Rúna langamma og Jónatan langafi voru í heimsókn í Eyktarhæðinni. Það þótti því ástæða til að leyfa þeim að sjá kútinn. Litli kútur undi sér vel í fanginu á afa, ömmu og langömmu og lét lítið á sér bera.

Í dag, 30. september, var baðdagur hjá litla kút. Hægt er að sjá nokkrar myndir á Baðdagur.

Ungbarnaeftirlitið mætti hér í Stóragerði í morgun. Þetta hljómar eins og lögreglu aðgerð! Reyndar kallar heilsugæslan þetta ungbarnavernd, en „eftirlitið“ leynist enn í nokkrum pappírum frá þeim. Halda áfram að lesa: Ungbarnaeftirlitið

Það er illt að hafa ekki nafn. Þá er maður kallaður ýmsum bjánalegum nöfnum. Anna Laufey er orðin þreytt á nafnleysi litla bróður og lagði til í gær að við myndum bara kjósa um þetta. Hún ætlaði líka að gera kórónu handa prinsinum og það verður að vera nafn á henni svo þetta ástand er náttúrlega óþolandi.

Lífið hjá okkur litla kút hefur hingað til bara snúist um mjólk, ég fer bráðum að segja „muu“. Mjólkin hefur verið mjög sein í gang og ekki komið nóg ennþá þó allt stefni í rétta átt. Þessi seinagangur orsakast líklegast af því að ég hef engan skjaldkirtil en það á þó ekki að koma í veg fyrir að ég mjólki nóg, bara að allt gerist frekar hægt. Litli kútur var orðinn heldur gulur á fimmtudaginn svo það hefur þurft að grípa til mjólkurblöndu og greyið miskunnarlaust vakinn á þriggja tíma fresti til að fá brjóst og ábót á eftir. Þessi rútína hefur reynt svolítið á foreldrana líka :-). Nú er guli liturinn orðinn mun minni og við getum slakað á með mjólkurblönduna og vonandi örvast þá brjóstin betur. Fyrir utan þessi gulu mál er drengurinn hraustur og sæll og var útskrifaður úr fimm daga skoðun á föstudag með stæl.