Category: 01 Fjölskyldan öll

Í gær snjóaði hér í mið-Ohio af miklum krafti í kjölfar kuldakastsins, þannig er nú -15 gráðu frost og líklega um 20 cm jafnfallinn snjór yfir öllu. Það dugar þó ekki til að loka skólanum hennar Önnu þriðja daginn í röð, en Bexley skólarnir eru opnir í dag, ólíkt mörgum öðrum skólum á svæðinu. Halda áfram að lesa: Anna í skólann aftur

Ég gekk í dag frá flugmiðum til Íslands í sumar fyrir mig, Jennýju og Tómas Inga. Jenný og Tómas koma til Íslands 10. júní (lenda að morgni 11.), dvelja í tæpa viku og fljúga heim 17. júní. Ég hins vegar kem til Íslands 30. júní (lendi að morgni 1. júlí), verð í Vatnaskógi 3.-9. júlí og flýg heim um miðjan dag 10. júlí. Flugmiðinn hennar Önnu Laufeyjar er ekki frágenginn, það gerist væntanlega á morgun. Hennar plan er að fljúga með mömmu sinni og Tómasi 10. júní til Íslands og heim til BNA 10. júlí með mér.

Það er nú ljóst að skólastarf víðast hvar í mið-Ohio fellur niður hjá grunnskólabörnum á morgun. Það er enda spáð -11 stiga frosti á celsíus á morgun og einhverri vindkælingu. Halda áfram að lesa: Áframhaldandi lömun

Ég held ég hafi ekki upplifað annan eins kulda áður. Hitastigið var 0 gráður á Farenheit í morgun, eða -18°C. Ég var ágætlega klædd, í þykkri peysu undir úlpunni og með góða húfu og vetlinga. Ég gerði hins vegar þau mistök að vera bara í gallabuxum og ég hélt ég myndi varla hafa það að labba frá bílastæðinu og uppí skóla (tekur um 5 min). Halda áfram að lesa: -18°C og allt lokað

Tómas Ingi er með kvefpest, hósta og gröft í augunum. Hann er þó hitalaus. Við mæðginin vorum því bara heimavið í dag í kósíheitum og strákurinn var bara kátur þrátt fyrir veikindin. Halda áfram að lesa: Tómas Ingi lasinn

Í kvöld var lokahluti námskeiðsins um viðbrögð kirkjunnar við stóráföllum. Við sem vorum í New Orleans stóðum að fjáröflunarkvöldverði í Trinity Lutheran Seminary, þar sem við fluttum stutt erindi, sýndum myndir og stóðum að uppboði. Halda áfram að lesa: Lokið, en þó aldrei lokið

Það er óhætt að segja að skólinn hafi byrjað af krafti hjá mér nú í janúar. Ég er áfram í fjórum kúrsum hér í Trinity líkt og fyrir jól, en álagið er allt annað og meira. Halda áfram að lesa: Alvaran tekin við

Það er orðið alltof langt síðan við höfum látið vita af okkur. En í stuttu máli er bara allt gott að frétta. Skólarnir eru komnir á fullt aftur og mikið að gera hjá öllum. Ég er þremur kúrsum, framhald af líkindafræðinni, fræðilegum kúrsi um punktmat og hagnýtum kúrsi í Bayes aðferðafræði. Ég er spenntust yfir þeim síðast nefnda enda er það í fyrst sinn sem ég læri um hvernig Bayes hugmyndafræðinni er beytt í praxis. Halda áfram að lesa: Allt gott að frétta

Í dag héldum við upp á afmælið hennar Önnu Laufeyjar hér heima. Ég sótti Önnu Laufeyju og 6 bekkjarsystur hennar í skólann og fékk aðstoð mömmu Meredith við að keyra þær hingað heim. Við höfðum reyndar planað að ganga með hópinn, en þar sem það leit út fyrir hugsanlega rigningu, þá ákváðum við að keyra. Halda áfram að lesa: Afmælisveisla

Árið 2006 endaði ekki vel fyrir iBook-tölvuna mína. En seinnipartinn í gær, lokaði Tómas Ingi tölvunni minni og heyrnartólin sem fylgdu iPod-inum mínum lentu á milli lyklaborðsins og skjásins, sem brotnaði. Halda áfram að lesa: Ónýtur fartölvuskjár

Við fjölskyldan lögðum snemma í morgun í langferð. Fyrsti viðkomustaður eftir þriggja klukkustunda akstur var Krakkasafnið í Pittsburgh (Children’s Museum of Pittsburgh). Halda áfram að lesa: Krakkasafnsferð

2575Það tilheyrir á jólunum að gera allt fínt, m.a. að strauja jóladúkinn sem við fengum í brúðkaupsgjöf fyrir rúmlega 10 árum. Tónlistin er enn á vegum Gunnars Gunnarssonar.

Jenný straujar jóladúkinn, QuickTime form, tæpt 1MB.

2569Anna Laufey tók að sér að skreyta jólatré fjölskyldunnar í gær. Myndbandsupptökuvélin var notuð til að ná fram stemmningunni. Gunnari Gunnarssyni er þakkaður undirleikurinn.

Myndband af Önnu Laufeyju á Þorláksmessukvöld, að skreyta jólatré. QuickTime-format 1,9MB.

Við förum í kvöld, Þorláksmessu, í Easton Towne Center upplifðum jólastemmninguna, fórum í stutta ferð í hestvagni, keyptum kakó og kökur, fengum okkur ís og höfðum það gaman saman.
Við komum ekki heim fyrr en rétt fyrir 23 og því komið langt fram yfir háttatíma Tómasar. Þegar ég hins vegar setti hann í rúmið var hann ekki á því að sofna strax, þannig að ég tók stutt myndskeið.

Hér er dæmi um hegðun Tómasar Inga þegar hann á að fara að sofa. Myndskeiðið er á Windows Media formi og er 1MB.

Núna eru einkunnir fyrir Önnu, mig og Jennýju komnar í hús. Tómas er í árskerfi, þannig að hans einkunn er gefinn árlega. Halda áfram að lesa: A og P