Category: 01 Fjölskyldan öll

Eftir aðeins 48 daga hér í BNA gerðist það sem við höfum beðið eftir með mikilli eftirvæntingu. Reyndar átti ég von á að það myndi ekki gerast svo snemma, en svona er að eiga bráðgert barn. Halda áfram að lesa: Það sem allir biðu eftir

Í nóvember skrifaði ég dótakassafærslu um hvað við myndum kaupa þegar við kæmum okkur fyrir í BNA. Þar nefndi ég ákveðna myndbandsupptökuvél, nokkrar mögulegar stafrænar myndavélar og bíl. Halda áfram að lesa: Dótakassafærslan

Ég var að bæta við fjölmörgum myndum í BNA möppuna okkar. Anna fór niður í kjallara að sippa niður eftir að við höfðum bannað henni að sippa í stofunni.

1215

Fyrstu myndirnar á nýju Panasonic myndavélina voru teknar í dag. En vélin kom með UPS í morgun. Hér er um gífurlega öfluga myndavél að ræða og vonandi að það skili fleiri myndum inn á heimasíðuna okkar.

1175

Ég pantaði um helgina nýja stafræna myndavél, Panasonic Lumix DMC-FZ30K, hjá amazon.com. Í tilefni af því fór ég með Canon Ixus vélina mína í gönguferð um Bexley í dag og tók nokkrar myndir í bæjarfélaginu. Það er svolítið kómískt að horfa á bæinn í gegnum myndavélina, hann lítur út eins og klipptur út úr bíó. Ég veit samt ekki hvort það skili sér endilega í myndunum. Hins vegar er lítið hægt að sjá snjóstorminn sem Jenný sagði frá í gær. Hann er ekki jafn öflugur og snjóstormur á Íslandi. Hægt er að skoða myndirnar með því að smella á myndina með færslunni.

E.s. meðan ég skrifaði þessa færslu komu félagar mínir frá Perú með nýja dýnu í flotta Simmons rúmið okkar. Núna ætti Jenný að vera glöð.

Í gær kom veturinn loksins hingað til Columbus, með frosti og smá snjó. Í sjónvarpinu var talað um „Snow Storm“ en mér þótti nú ekki nógu mikill vindur til að réttlæta þá lýsingu. Halda áfram að lesa: Disney-skautar og snjór

1158

Ég hef sett inn nokkrar nýjar myndir, m.a. af verkefninu hennar Önnu Laufeyjar í skólanum. Ég hef verið í vandræðum með að setja inn myndskeið á vefinn. Mér sýnist á öllu að ég þurfi að setja þau upp næstum handvirkt, en þannig er það víst bara. Hérna eru nokkur vel valinn skot:

Hringekja
Tómas hjalar
Í skólanum

Í gær var ég að ganga rétt við Cassingham Elementary þegar kona með tvo hunda kallaði til mín. „Where is your Stroller?“ Ég náði ekki spurningunni strax, en áttaði mig svo á að hún var að vísa til þess að Tómas var ekki með mér. Halda áfram að lesa: Sportacus/Stephanie og Elli/Tómas

Ég og Anna Laufey gengum í fyrradag í gegnum Campus-inn hjá Capital University. Á miðju háskólasvæðinu er stytta af munki með Biblíu í hendi (líklega Lúther). Anna Laufey spurði hvernig maður þetta væri og ég útskýrði að munkar væru menn sem tæku ákvörðun um að giftast aldrei, en tileinkuðu líf sitt því að biðja, lesa í Bibliunni og segja öðrum frá Guði. Halda áfram að lesa: Munkurinn

Eitt af fyrstu verkefnum okkar hér í Bexley, var að kaupa rúm. Eftir að hafa átt þetta ágæta Ragnarsrúm í 10 ár, en það var keypt haustið 1995, ákváðum við að tími þess væri liðinn. Reyndar skemmdist það strax fyrsta daginn sem það var í okkar eigu, en Guðrún L. systir mín er ekki mjög fær flutningamanneskja. Halda áfram að lesa: Sagan um rúmið

Ég nefndi einhvern tímann við Jóhönnu Rósu kennarann hennar Önnu Laufeyjar í Hvassaleitisskóla að mér þætti meiri heimalærdómur í 1. bekk en ég hefði átt von á. Anna kom með lestrarblöð á hverjum degi og þurfti að reikna og skrifa vikulega í skriftarbók. Þegar leið að jólum bættist markmiðsbókin við. Halda áfram að lesa: Heimanám

1152

Það hefur ekki verið ofarlega á forgangslista síðustu vikna að taka myndir eða myndbönd og er það miður. Þó gerist það öðru hvoru að ég notast við símana okkar og smelli af einni og einni ýmist af Tómasi eða Önnu Laufeyju. Það er undantekningalaust að ég pirra mig yfir því eftir á að hafa ekki haft almennilega myndavél og hversu lítil upplausn sé í myndunum.

Eftir 29 daga í Ameríku höfum við gefist upp. Eftir heimsóknir í Target, Walmart, K-Mart, Big Lots, Sears, JC Penney, Kaufmann’s, Great Indoors, JC Penney Furniture Outlet, Value City Furniture, Macy’s Furniture og fjölmargar smærri búðir, eftir samtöl við Tim hjá Frontroom furnishing, John hjá OakExpress, Lawrence hjá Furniture Liquidators of America, Julie hjá La-z-boy að ógleymdri henni Sandee hjá Sofa Express and More, þá var uppgjöfin algjör. Halda áfram að lesa: Uppgjöf

Það er mikið gleðiefni að segja frá því að íbúðin okkar í Stóragerði er seld. Það var skrifað undir kauptilboð á föstudaginn og óhætt að segja að nú sé einu stórvandamálinu færa að fást við. Reyndar er líka eftirsjá í íbúðinni enda um frábæra staðsetningu að ræða og góða íbúð á allan hátt. En – nú getum við leyft okkur að kaupa sófa án þess að hafa áhyggjur af því hvað bankinn segir.

Fjölskyldan hélt í dag í sófakaupaleiðangur. Það er fastur liður um helgar að við förum á stað og reynum að leysa einhver af þeim fjölmörgu lausu endum sem eru á lífi okkar hér í Ohio. En vantar skrifborð, skrifborðsstóla, eldhúsborð og -stóla, sófaborð og geymsluhillur í kjallarann. En í dag var það sófinn. Halda áfram að lesa: Sófi væntanlegur í kringum 15. febrúar